ពិភពអាយធី: ព័ត៌មានសិល្បះ

Thursday, May 22, 2014

ទេព បូព្រឹក្ស វាយឬក អ្នករិះគន់ ថាលេងស្ទីល ដូចតារាកូរ៉េ CL

100 LIKES

14 COMMENTS

ពុធ ២១ ឧសភា, ២០១៤ ម៉ោង ១៣:៤៣

ភ្នំពេញ៖ ទេព បូព្រឹក្ស ជាតារាចម្រៀងម្នាក់ ពូកែខាងក្បាច់រាំ និងតុបតែងខ្លួនបានស្អាតបាត ដូចតារាបរទេស ។ ជាពិសេសការលាបពណ៌សក់ ដ៏ស្រស់ឆើតឆាយ ហាក់គ្មានអ្នកចម្រៀងណា ធ្វើបានដូចនាងនោះឡើយ ។ នៅពីក្រោយភាពស្រស់ស្អាត និងល្បីល្បាញរបស់ ទេព បូព្រឹក្ស ត្រូវបានរុំព័ទ្ធ ទៅដោយរឿងរ៉ាវ ច្រណែនឈ្នានីស ពីសំណាក់តារាចម្រៀង រួមអាជីព ដែលព្យាយាមបំបាក់នាង ម្ដងជាពីរដង តាមរយៈបណ្ដាញសង្គម និងតាមសារព័ត៌មានផ្សេងៗ រហូតដល់នាង ស្ទើរតែគ្មានព័ត៌មានល្អ ទាល់តែសោះ ក្នុងការចុះផ្សាយម្ដងៗ លើទស្សនាវដ្ដី ឬកាសែតនានា ។
ពាក្យចាស់តែងពោលថា "អំពើអាក្រក់ ពិតជាមិនឈ្នះអំពើល្អឡើយ" ទីបំផុត ទេព បូព្រឹក្ស នៅតែអាចរក្សាភាពល្អស្អាតស្អំ ឲ្យខ្លួនឯងបាន ទោះបីជានាងជាក្មេងស្រីវ័យទើបតែ ២០ឆ្នាំក្ដី ។ នាងហាក់ប្រឹងប្រែង តតាំង ជាមួយអ្នកដែលត្រូវ ស៊ីសាច់ហូតឈាម មិនព្រមឲ្យនាង រស់នៅក្នុងភាពស្ងប់សុខឡើយ ។ រឿងដដែលៗពេក ទេព បូព្រឹក្ស ក៏បានប្រើប្រាស់បណ្ដាញ សង្គមហ្វេសប៊ុក ដើម្បីតបត ទៅអ្នកដែលប្រឆាំងនឹងនាង។
ទេព បូព្រឹក្ស បាននិយាយ ក្នុងបណ្ដាញសង្គមហ្វេសប៊ុក ជាភាសាអង់គ្លេសយ៉ាងវែង និងបានប្រែសម្រួលជាភាសាខ្មែរថា "ផ្ញើរជូនចំពោះ អ្នកដែលមិនពេញខ្ញុំ (ទេព បូព្រឹក្ស) តើអ្នកទាំងអស់ ពិតជាអ្នកគាំទ្រ ដ៏ពិតប្រាកដរបស់នាង ស៊ីអិល(CL) នៃក្រុមចម្រៀង ដ៏ល្បីល្បាញ កូរ៉េ 2NE1 ? តើការតុបតែងខ្លួនរបស់នាង ស៊ីអិល ពិតជាឡូយមែនទេ ? តើអ្នកធ្លាប់ស្រមៃថា នឹងបានធ្វើខ្លួនដូចជា នាងស៊ីអិលថ្ងៃណាមួយ មិនខានឬអត់? សម្រាប់ខ្ញុំក៏ដូចគ្នា ខ្ញុំក៏ស្រមៃថា ថ្ងៃណាមួយខ្ញុំនឹងបានលេងខ្លួន ដូចជានាង ស៊ីអិល ដែរ ព្រោះខ្ញុំក៏ជាអ្នកគាំទ្រនាងស៊ីអិល ហើយមិនមែនទើបតែពេលខ្ញុំក្លាយ ជាតារាចម្រៀង ប្រចាំផលិតកម្ម ហង្សមាស ទេ គឺមុនពេលខ្ញុំចូលហង្សមាសទៅទៀត ខ្ញុំបានស្លៀកពាក់តាមនាងស៊ីអិល..!"។
ជាការពិតណាស់ តារាចម្រៀងជាច្រើន ក្នុងស្រុកខ្មែរ មិនទាន់មានអ្នករៀបចំស្ទីល តែងខ្លួនដូចតារាបរទេសឡើយ ក្នុងនោះក៏មាន ទេព បូព្រឹក្ស ម្នាក់ដែរ ។ នៅក្នុងសារដ៏វែង របស់តារាចម្រៀងវ័យក្មេង មានឈាមជ័រជាអ្នកសិល្បៈ ទេព បូព្រឹក្ស បានបន្តជាសំណួរសួរទៀតថា បើអ្នកមានស្ទីលរៀបចំផ្ទាល់ខ្លួន អ្នកណាមិនចង់ ? ហើយនាងនឹងព្យាយាមធ្វើវាឲ្យបានល្អបំផុត ។ ទេព បូព្រឹក្ស និយាយថា នាងគ្រាន់តែចង់ធ្វើតាមនាងស៊ីអិល ខ្លះៗប៉ុណ្ណោះ ។ សូម្បីតែនាង ស៊ីអិលខ្លួនឯង ចំឡងតាម នាង ឡេឌី ហ្គាហ្គា និង នាង ហ៊ីយូរី ដែលជាតារាចម្រៀងស្រី ល្បីរបស់កូរ៉េ ។ចុះនាងគ្រាន់តែចំឡងតិចតួច ពិតជាខុសដែរមែនទេ ?
ទេព បូព្រឹក បានសង្កត់ធ្ងន់ទៀតថា ចំណែកឯសក់ពណ៌របស់នាង មិនបានធ្វើតាមនាងស៊ីអិលទេ គ្រាន់តែចង់ធ្វើជាមនុស្ស ដែលលាបពណ៌ហ្នឹងមុនគេ ។ ទេព បូព្រឹក្ស ក៏ប្រាថ្នា នឹងបានស្លៀកសម្លៀកបំពាក់ មានតម្លៃថ្លៃៗ រាប់ពាន់ដុល្លារដូចនាង ស៊ីអិលដែរ ។ ទេព បូព្រឹក្ស ព្យាយាម មិនតបតជាមួយ ដែលមិនពេញចិត្តនឹង នាងណាស់ តែពាក្យសម្ដីរបស់ពួកគេខ្លះ មិនបានឲ្យតម្លៃមកលើរូបនាងទាល់តែសោះ ទើបនាង ព្យាយាមបកស្រាយ តាមរយៈបណ្ដាញ សង្គមហ្វេសប៊ុកនេះ ។ ទោះបីជាយ៉ាងណា ទេព បូព្រឹក្ស នៅតែទទួលយកការិះគន់ ក្នុងន័យស្ថាបនា ព្រោះនាងមិនអាចមើលឃើញ ខ្លួនឯងអស់នោះទេ ។
បន្ទាប់ពីបកស្រាយ អស់ជិតមួយទំព័រ បានបង្ហាញថា ទេព បូព្រឹក្ស ជាតារាចម្រៀងស្រីក្មេងម្នាក់ មានចរិយាមាយាទល្អ ដែលមិន យកកំហឹង ទៅទល់នឹងកំហល់ ព្រោះកន្លងមកតារាចម្រៀងខ្លះ បើមានការិះគន់ធ្ងន់ៗ បែបនេះ ច្បាស់ជាតបតវិញ ចាស់ដៃ មិនទុកមុខទុកមាត់ឲ្យទេ៕

ផ្តល់សិទ្ធដោយ ដើមអម្ពិល

100 LIKES

14 COMMENTS

ពុធ ២១ ឧសភា, ២០១៤ ម៉ោង ១៣:៤៣

អានបន្ត

Thursday, May 1, 2014

ដារា

8:33 PM ព័ត៌មានសិល្បះ No comments

ភ្នំពេញ៖ តារាចម្រៀងវ័យក្មេង របស់ផលិតកម្ម ថោន កញ្ញា អេននី ហ្សាម ខណៈដែលអាជីពសិល្បៈ កំពុងតែមានសន្ទុះហក់ឡើង ទៅមុខគួរកត់សម្គាល់ នៅក្នុងអំឡុងមួយឆ្នាំចុងក្រោយនេះ ស្រាប់ជួបប្រទះបញ្ហារឿងរ៉ាវ ស្នេហាជីវិតឯកជន បន្តបន្ទាប់ជាមួយបុរសកូន អ្នកមានអំណាច និងមានទ្រព្យស្តុកស្តម្ភក្នុងស្រុក។ ប៉ុន្តែព័ត៌មានទាំងនេះ ត្រូវបានច្រានចោលភ្លាមៗ ពីសំណាក់តារាស្រី អេននីហ្សាម ថា ជារឿងមិនពិត ។
ជារឿយៗបើទោះបីជា មានការចេញមុខបកស្រាយ និង ច្រានចោលពីសំណាក់ កញ្ញា អេននី ហ្សាម ជុំវិញ ការចោទប្រកាន់ រឿងលួចមានទំនាក់ទំនងស្នេហា ក្រៅឆាកយ៉ាងនេះ ក៏ពិតមែនតែមិនយូរប៉ុន្មាន នៅតែ បន្ត លេចឮដំណឹងថ្មី ជាបន្តបន្ទាប់ថា នាងបានលួចសាងស្នេហ៍ស្ងាត់ៗ ជាមួយអ្នកនេះ ជាមួយអ្នកនោះ មានទាំងបុរសក្នុងស្រុក និងក្រៅស្រុកមិនចេះចប់មិនចេះហើយសោះ។
ដោយហេតុតែរឿងទាំងនោះ ចេះតែកើតឡើងមកលើនាងដដែល ទើបពេលខ្លះមិនបានធ្វើឱ្យកញ្ញា អេននី ហ្សាម អើពើឈឺក្បាលវិលមុខ នឹងរឿងអស់ទាំងនេះទៀតឡើយ។ ប៉ុន្តែទើបតែថ្មីៗនេះ ធ្លាយដំណឹង ដ៏ រសើបមកថា អេននី ហ្សាម កំពុងមានស្នេហាភេទដូចគ្នា ស្របពេលគេធ្លាប់ ឧស្សាហ៍ឃើញនាង ដើរហើរ ជាមួយនារីម្នាក់ ជាញឹកញាប់ព្រមទាំង បង្ហាញកាយវិការស្អិតល្មួត ខុសពីធម្មតាទៀតផង។
ការបែកធ្លាយ រឿងទំនាក់ទំនងស្នេហា ខុសធម្មជាតិរបស់ កញ្ញា អេននី ហ្សាម នេះបានលេចឡើង ក្រោយ ពីគេឧស្សាហ៍ឃើញ នាងបង្ហាញភាពសិ្នទ្ធស្នាល ជាមួយស្រី្តវ័យប្រហែលនាងម្នាក់ ហើយពេលខ្លះ គេ ក៏សង្កេត ឃើញអ្នកពីរ ហាក់មានភាពចុះសម្រុង ផ្អែមល្ហែមជាមួយគ្នាប្រៀបដូចគូស្នេហ៍ រវាងប្រុស -ស្រី កំលោះក្រមុំ។
ផ្អែកតាមប្រភព និយាយរអេចរអូច ពីមាត់មួយទៅមាត់មួយ បានឲ្យដឹងថា រឿងដែលគេមានការសង្ស័យ ថា អេននី ហ្សាម មានទំនាក់ទំនង ស្នេហាក្រៅឆាក ជាមួយមនុស្សស្រីភេទ ដូចគ្នានោះ ព្រោះនាងតែងបង្ហាញវត្តមានលក្ខណៈជាគូពីរនាក់ ជាមួយនឹងស្រី្ត វ័យប្រហែលគ្នាញឹកញាប់។ ម្យ៉ាងទៀតនៅពេល មានបុរសតាម សុំស្នេហ៍ នាងតែងតែប្រកែក ដោយយកលេសថា មិនទាន់ចង់គិតពីរឿងនេះ ។
ប្រភពបានបន្តថា តារាចម្រៀង អេននី ហ្សាម នាពេលកន្លងមក កម្រឃើញបង្ហាញភាពសិ្នទ្ធស្នាល ជាមួយបុរសណាម្នាក់ រហូតធ្វើឲ្យទស្សនិកជនមួយចំនួន លើកឡើងថា មូលហេតុ ដែលធ្វើឲ្យនាងមិន មានទំនាក់ទំនង ស្នេហាជាមួយបុរស គឺដោយសារតែនាងមានម្ចាស់ចិត្តរួចទៅហើយ គ្រាន់តែនាងមិនហ៊ាន បើកចំហ ព្រោះស្នេហា នោះខុសធម្មជាតិ។
ជុំវិញព័ត៌មានលេចឮខាងលើនេះ នៅរសៀលថ្ងៃទី៣០ ខែមេសា ឆ្នាំ២០១៤នេះ គេហទំព័រ LookingTODAY មិនអាចសុំការបំភ្លឺពី កញ្ញា អេននី ហ្សាម បាននៅឡើយទេ ព្រោះលេខទូរស័ព្ទរបស់នាង នៅពេលខលចូល តែគ្មានអ្នកទទួល។ LookingTODAY ស្វាមគមន៍ ចំពោះការចេញមុខបំភ្លឺ ពីសំណាក់ កញ្ញា អេននី ហ្សាម នៅពេលក្រោយ ដោយក្ដីរីករាយ៕